ស្ត្រីម្នាក់នៅថ្ងៃទី១២ មករា ឆ្នាំ២០១០ ត្រូវបានតុលាការសាលាដំបូងរាជធានីភ្នំពេញបានផ្តន្ទាទោសដាក់គុករយៈពេល ២ឆ្នាំ ដល់ពីបទសញ្ចរកម្ម ដោយសារប្រើប្រាស់នាមប័ណ្ណក្លឹបម៉ាស្សា ឈិន សុធារី ដែលជាពិធីការិនី និងជាតារាក្នុងការរកភ្ញៀវម៉ាស្សា ហើយបម្រើផ្លូវភេទឱ្យបានច្រើន ។ពិធីការិនីឈិន សុធារី
តុលាការបានប្រកាសសាលក្រមសម្រេចផ្តន្ទាទោសជនជាប់ចោទស្រ្តី ព្រាប សុភា អាយុ ៣១ឆ្នាំ ដាក់ពន្ធនាគាររយៈពេល ២ឆ្នាំ គិតពីថ្ងៃឃុំខ្លួនពីបទសញ្ចរកម្មកាលពីថ្ងៃទី២៩ សីហា ២០០៩ រួមទាំងបង្គាប់ឱ្យសងដើមបណ្តឹង ១ លានរៀល ។
ស្រ្តីរូបនោះបានធ្វើនាមប័ណ្ណដោយដាក់ឈ្មោះ ឈិន សុធារី ដើម្បីរកភ្ញៀវម៉ាស្សានិងរួមភេទដោយឱ្យក្នុងម្នាក់ ៥០ ដុល្លារ ហើយបានទាមទារក្នុងម្នាក់ ៥ ដុល្លារពីនារីៗ ប្រសិនជាមានការបម្រើផ្លូវភេទ ។នៅក្នុងសវនាការជនជាប់ចោទបានបញ្ជាក់ថា ខ្លួនពិតជាបោះនាមប័ណ្ណប្រើឈ្មោះ ឈិន សុធារី មែន ព្រោះរកម៉ូយបានច្រើនណាស់៕
បន្ទាប់ពីសម្រាលបានកូនមានសុខភាពល្អក៏ទទួលកាដូឡានតម្លៃរាប់ម៉ឺនដុល្លារ
តារាចម្រៀងស្រី ឈួន សុវណ្ណឆៃ បានទទួលកាដូរថយន្ត ឡិចស៊ីសសេរី៤៧០ មួយគ្រឿងតម្លៃជាង ៥ ម៉ឺនដុល្លារពីក្រុមគ្រួសារខាងស្វាមី បន្ទាប់ពីនាងបានផ្តល់កំណើតឲ្យកូនប្រុសម្នាក់ដោយមានសុខភាពល្អមាំមួន ហើយកូនបានកើតចំថ្ងៃពិសេស គឺកើតនៅវេលាម៉ោង ៩ និង ៩ នាទី ថៃ្ងទី៩ ខែ៩ និងឆ្នាំ ២០០៩ ។ បើតាមព័ត៌មានស៊ីអិនអេចប្រេសបានឲ្យដឹងថា បងប្អូនខាងស្វាមីរបស់នាង សុវណ្ណឆៃ ដែលរស់នៅឯប្រទេសបារាំងពុំមាននរណាម្នាក់មានកូនប្រុសទេ ដូច្នេះហើយពេលនាងសម្រាលបានកូនប្រុស និងចំពេលដ៏វិសេសវិសាលនោះ ទើបពួកគាត់ទាំងអស់គ្នាមានក្តីសប្បាយរីករាយជាខ្លាំង ហើយក៏បានរៃថវិកាដើម្បីទិញរថយន្តមួយគ្រឿងនេះសម្រាប់ជាកាដូ ។
ស៊ីអិនបានបញ្ជាក់ថា ដោយកស្រង់សំដីនាង សុវណ្ណឆៃ ថា «សម័យនេះទៅហើយ វិទ្យាសាស្ត្រមានកម្រិតជឿនលឿនសម្បើមណាស់ រីឯប្រទេសយើងក៏រីកចម្រើនណាស់ដែរ នាងមិនមានក្តីព្រួយបារម្ភក្រែងមានជំងឺកូនខ្ចី (ទាស់)នោះឡើយ ហើយសព្វថៃ្ង នាងមានសុខភាពល្អធម្មតា និងអាចធ្វើលំហាត់ប្រាណប្រចាំសប្តាហ៍នៅតាមក្លឹបហាត់ប្រាណថែមទៀតផង ដើម្បីជាជំនួយក្នុងការរក្សាសម្ផស្សនិងសុខភាព»៕
តារាចម្រៀងប្រុសខ្មែរម្នាក់ធ្លាក់ខ្លួនឈឺ
ផាន សុផាត ជាតារាចម្រៀងធ្លាប់ល្បីបង្គួរក្នុងការច្រៀងបទចម្រៀងចាស់ៗ បានធ្លាក់ខ្លួនឈឺ ដោយ រលាកទងសួត ហើយកំពុងព្យាបាលនៅឯមន្ទីរ ពេទ្យផង និងនៅផ្ទះផងអស់ជាពេលជាច្រើនខែមកហើយ។ នៅសប្តាហ៌មុននេះ គេឃើញលោកឡើងច្រៀងនៅទូរទស្សន៍ ស៊ីធីអិន ដោយមានរូបកាយ ស្លេកស្លាំង។ កាលពី៣ ឆ្នាំមុន សុផាត បានចែកផ្លូវគ្នាជាមួយភរិយា គឺនាងអ៊ុំ គន្ធា ដែលជាតា រាចម្រៀងដែរនោះ ។ពួកគេមានកូនប្រុសពីរនាក់ ដែលសព្វថៃ្ងស្ថិតក្រោម ការថែទាំរបស់អតីត ភរិយាគឺនាង អ៊ុំ គន្ធា នេះឯង ។
ថ្មីៗនេះមានការភ្ញាក់ផ្អើលយ៉ាងខ្លាំង នៅពេលគេបានឃើញតារាចម្រៀងរូបនេះដែលធ្លាប់ តែធាត់ទ្រលុកទ្រលន់បែរជាធ្លាក់ខ្លួនស្គមខុសពីធម្មតាទៅវិញ។អ្នកខ្លះគិតថា ទំនងជាលោកមានវិបត្តិផ្លូវចិត្តធ្ងន់ធ្ងរ បន្ទាប់ពីបានបែកបាក់ក្រុមគ្រួសារ និងកូន ប្រុស ទាំងពីររបស់ខ្លួន។
