រួមគ្នាពង្រឹងគុណភាព និងប្រសិទ្ធភាពសេវាសុខភាព ដើម្បីជិវិតពលរដ្ឋកម្ពុជា

រួមគ្នាពង្រឹងគុណភាព និងប្រសិទ្ធភាពសេវាសុខភាព ដើម្បីជិវិតពលរដ្ឋកម្ពុជា Joining together to strengthen quality and effectiveness of health service for Cambodians' lives

1/07/2010

កុមារកម្ពុជានឹងទទួលបានថ្នាំបង្ការរលាកសួត​និងស្រោមខួរ

​​លោកវេជ្ជបណ្ឌិត សាន់ ច័ន្ទ​សឿន ប្រធាន កម្មវិធីជាតិចាក់ថ្នាំបង្ការនៃក្រសួងសុខាភិបាល​កម្ពុជាបាននិយាយនៅល្ងាចថ្ងៃ ៦​មករា ថា ថ្នាំវ៉ាក់ សាំង ឬថ្នាំបង្ការ ដែលនឹងជួយការពារកុមារពីជំងឺ រលាកសួត និងជំងឺរលាកស្រោមខួរក្បាលនៅនឹងត្រូវ ចាក់ជូនកុមារកម្ពុជាអាយុក្រោម ១ ឆ្នាំ ក្នុងពេល ឆាប់ៗនេះ​។
​​​លោកវេជ្ជបណ្ឌិតបានបន្តថា វ៉ាក់សាំងនេះនឹងដាក់បញ្ចូលជាមួយវ៉ាក់សាំងការពារជំងឺខាន់​ស្លាក់ តេតាណូស ក្អកមាន់ រលាកថ្លើម ទៅក្នុងសឺរ៉ាំងតែមួយ។ វ៉ាក់សាំងនេះនឹងចាក់ជូនកុមារ​ម្នាក់ៗបីដង ដែលមានចន្លោះរយៈពេល ១ ខែ ក្នុងការចាក់លើកទី​១ លើកទី​២ និងលើកទី​៣ ។​​

លោកបានអះអាងថា ​កម្មវិធីជាតិចាក់ថ្នាំបង្ការនេះនឹងជួយកាត់បន្ថយជំងឺផ្លូវដង្ហើមនៅកម្ពុជា ព្រោះជំងឺរលាកសួតជាចំណែកធំមួយក្នុងចំណោមមូលហេតុផ្សេងទៀត ដែលបណ្តាលឲ្យកុមារកើត​ជំងឺផ្លូវដង្ហើម​ ដោយលោកបញ្ជាក់ថា ការចាក់វ៉ាក់សាំងនេះនឹងគ្របដណ្តប់លើសពី ៩០% ក្នុង ចំណោមកុមារកើតប្រចាំឆ្នាំជិត ៤០០.០០០ នាក់ ហើយការចាក់នេះនឹងចាប់ផ្តើមចាប់ពីខែ​កុម្ភៈ ខាង មុខនេះ។​
​​​ការបញ្ជូលវ៉ាក់សាំងនេះទទួលបានការឧបត្ថម្ហពីអង្គការ GAVI ចំនួន ៤ លាន​ដុល្លារ ដែល​នឹងប្រើប្រាស់លើវ៉ាក់សាំង ៣ លាន និងប្រើប្រាស់លើការទិញសឺរ៉ាំង និងម្ជុល ១ លាន​ដុល្លារ និង​ថវិកាបដិភាគរបស់រាជរដ្ឋាភិបាលកម្ពុជា ចំនួន ៣០០.០០០ ដុល្លារ​ក្នុងមួយឆ្នាំ៕