សុខភាពស្រ្តី Women's Health

ជំងឺផ្ដាសាយអាចឲ្យស្ត្រីមានគភ៌រំញោចដល់ស្បូនរួញ​ដែលនាំមានការរលូតកូន និងកើតកូនមុនពេលកំណត់
​​​ក្នុងពេលមានផ្ទៃពោះមានស្ត្រីជាច្រើនកើតរោគផ្ដាសាយធម្មតា តែពុំជះឥទ្ធិពលអ្វីធ្ងន់ធ្ងរដល់​ទារកនៅក្នុងផ្ទៃឡើយ ។ ប៉ុន្តែ​ប្រសិនបើអូសបន្លាយពេលយូរ ហើយសីតុណ្ហភាពនៅក្នុង​រាងកាយមានកម្ដៅប្រហាក់ប្រហែលចន្លោះ ៣៩ អង្សា ជាច្រើនថ្ងៃ គឺចៀសមិនផុតពីការប៉ះពាល់​ដល់សុខភាពរបស់ទារកនៅក្នុងផ្ទៃនោះឡើយ។

​​​ក្រៅពីនោះ ការក្ដៅខ្លួនខ្លាំងមេរោគក៏អាចធ្វើឲ្យ​រំញោចដល់ស្បូនរួញ​ដែលបណ្ដាលឲ្យមានការរលូតកូន និងកើតកូនមុនពេលកំណត់។
អានអត្ថបទទាំងមូល សូមមើលលើគេហទំព័រ http://women.open.org.kh/km/pregnant-women-cold

ការសម្រាលកូនគ្មានសុវត្ថិភាពនាំឲ្យមាតាស្លាប់ច្រើនបំផុត
ការស្លាប់របស់ស្រ្តីជាមាតាដោយសាររំលូតកូន នៅតែជាកង្វល់ដ៏ធំមួយរបស់ប្រទេសកម្ពុជា​ដោយ សារតែការរំលូតកូននេះគ្មានសុវត្ថិភាព។
លោកស្រីសាស្ត្រាចារ្យ តាន់​វួចឆេង​អនុរដ្ឋលេខា ធិការក្រសួងសុខាភិបាលបាននិយាយនៅ ពេលថ្មីៗនេះដោយផ្អែកលើរបាយការណ៍របស់ទីភ្នាក់ងារ អភិវឌ្ឍន៍អន្តរជាតិរបស់សហរដ្ឋអាមេរិក និងកម្ពុជាថា​ការស្លាប់របស់មាតាភាគច្រើនបំផុតគឺដោយសារផលវិបាកនៃការសម្រាលកូន មិនមានសុវត្ថិភាព ឬមូលហេតុផ្ទាល់នៃការសម្រាល។
លោកស្រីសាស្ត្រាចារ្យ​វួចឆេង​បានបញ្ជាក់ថា​តាមការអង្កេតប្រជាសាស្ត្រ និងសុខភាពនៅ កម្ពុជាកាលពីឆ្នាំ ២០០៥​ស្ត្រីកម្ពុជាបានស្លាប់ដោយសារការសម្រាលមាន​៤៧២​លើ​១០​ម៉ឺនកំណើតរស់​គឺកើនឡើងពី​៤៣៧​នៃការអង្កេត ឆ្នាំ​២០០០​កន្លងមក។
លោកសាស្ត្រាចារ្យវេជ្ជបណ្ឌិត​គុំ​កាណាល់​នាយកមជ្ឈមណ្ឌលជាតិគាំពារមាតា​និងទារក បាននិយាយថា មូលហេតុចម្បងនៃការស្លាប់របស់មាតា គឺការបង្ករោគ និងសម្រាលជាមួយឆ្មបមិន មាន ការបណ្ដុះបណ្ដាលត្រឹមត្រូវ។ ក្រៅពីនេះ​ការធ្លាក់ឈាមនៅពេលសម្រាល​ក្រឡាភ្លើង​សុទ្ធតែជាមូលហេតុនៃការស្លាប់របស់ស្ត្រី។ លោកបន្តថា​នៅកម្ពុជាការសម្រាលកូនដោយឆ្មប បុរាណមានប្រមាណពី​៤០​ទៅ​៥០​ភាគរយ​ដែលភាគច្រើននៅតំបន់ជនបទ។
កង្វះខាតឆ្មបនៅតាមមណ្ឌលសុខភាព​ក៏ជាបញ្ហាមួយផងដែរនៃភាពធ្ងន់ធ្ងរលើការស្លាប់របស់ ស្ត្រីជាមាតា៕

ភេសជ្ជៈពេលព្រឹក សម្រាប់ស្ត្រីធ្វើការការិយាល័យ
​​នរណាៗក៏ទទួលស្គាល់ថា ​អាហារពេលព្រឹកសំខាន់ជាងពេលណាៗទាំងអស់ ព្រោះក្រោយ​ពេលទទួលទានហើយត្រូវប្រើ​វាពេញមួយព្រឹក​ដើម្បីបំពេញការងារ។ យើងធានាថា​ភេសជ្ជៈ​ទាំង​៥​កែវ​ខាងក្រោមនេះពិតជាហុចផលល្អដល់ស្ត្រីបំពេញការងារការិយាល័យជាក់ជា​មិនទាន។
អានអត្ថបទទាំងមូល សូមចុច http://women.open.org.kh/km/morning-drink-women