រួមគ្នាពង្រឹងគុណភាព និងប្រសិទ្ធភាពសេវាសុខភាព ដើម្បីជិវិតពលរដ្ឋកម្ពុជា

រួមគ្នាពង្រឹងគុណភាព និងប្រសិទ្ធភាពសេវាសុខភាព ដើម្បីជិវិតពលរដ្ឋកម្ពុជា Joining together to strengthen quality and effectiveness of health service for Cambodians' lives

1/09/2010

សុខភាពកុមារ​Child Health

កុមារកម្ពុជាគ្រប់រូបមានបញ្ហាមាត់ធ្មេញ

​​កុមារកម្ពុជាគ្រប់រូបមានបញ្ហាសុខភាពមាត់ធ្មេញ ដែលធ្វើឲ្យពួកគេប្រឈមមុខនឹងបញ្ហាជា​ច្រើន ដូចជាកុមារមិនអាចទៅសាលារៀន កុមារពិបាកទទួលទានអាហារ​នាំឲ្យមានបញ្ហាកង្វះ​អាហាររូបត្ថម្ភ ធ្វើឲ្យបញ្ញាស្មារតី​ចុះអន់ខ្សោយជាដើម ។​

​​ លោកស្រីវេជ្ជបណ្ឌិត ប្រាក់ ពិសិដ្ឋ​រង្សី ប្រធាននាយកដ្ឋានការពារសុខភាពនៃក្រសួង​សុខាភិបាលបានប្រាប់កាសែតរស្មីកម្ពុជាតាមទូរស័ព្ទនៅថ្ងៃទី​៩ មករា ថា ការសិក្សាកាលពីឆ្នាំ២០០០ បានរកឃើញថា កុមារកម្ពុជាគ្រប់រូបខូចធ្មេញចំនួន​៨ នៅក្នុងចំណោមធ្មេញរបស់ពួកគេ ប៉ុន្តែតួលេខនេះបានថយចុះបន្តិចនៅក្នុង​ការសិក្សាកាលពីឆ្នាំ​២០០៥ ដោយរកឃើញថា ធ្មេញកុមារខូចបានថយចុះពី ៨ មកនៅត្រឺមចំនួន​៧ ។​
​ ​លោកស្រី​បាន​បញ្ជាក់ថា «ចំនួននៃការថយចុះនេះមានភាពប្រសើរច្រើនសំរាប់កុមាររស់នៅក្រុងភ្នំពេញ ប៉ុន្តែនៅទីជនបទនៅ​តែមានបញ្ហាធ្ងន់ធ្ងរនៅទ្បើយ»។
​​ លោកស្រីវេជ្ជបណ្ឌិតបានលើកឡើងថា កុមារត្រូវដុសធ្មេញមួយថ្ងៃឲ្យបានបីដងក្រោយទទួល​ទានអាហារពេលព្រឹក ពេលថ្ងៃត្រង់ និងអាហារពេលល្ងាច ឬខ្ពុរមាត់នឹងទឹកហឺរ ដែលអាចកំចាត់​មេរោគមួយចំនួនបាន។
​​​លោក ប៉ែន សារឿន ប្រធាននាយកដ្ឋានសុខភាពសិក្សានៃក្រសួងអប់រំបាននិយាយថា​ដោយមើល​ឃើញកុមារនៅកម្ពុជាមិនទាន់យល់ច្បាស់ និងចេះវិធីសំអាតមាត់ធ្មេញឲ្យបាន​ត្រឹមត្រូវ ទើបកម្មវិធីសំអាត​មាត់ធ្មេញបានណែនាំឲ្យកុមារដុសធ្មេញឲ្យបានរយៈពេល ២ នាទី ក្នុងការសំអាតធ្មេញម្តងៗ និងមួយថ្ងៃត្រូវ​ដុសធ្មេញឲ្យបានបីដងជាប់ជាប្រចាំ។​
​​លោកស្រី ប្រាក់ ពិសិដ្ឋ​រង្សី បានបន្តថា ការធ្វើអនាម័យបឋមងាយៗ​ដូចជា ការដុសធ្មេញ​អាចធ្វើឲ្យកាត់បន្ថយជំងឺបេះដូងបាន ៥០% ហើយការលាងដៃជាមួយសាប៊ូជាប់ជាប្រចាំ ក៏អាច​កាត់បន្ថយជំងឺរាគរូសបានពី​៦០ ទៅ ៧០ %​ផងដែរ៕